My Take On the Issue of Lucky Udu and SkyB
The recent SkyB vs Lucky Udu controversy wey dey trend online don spark plenty reactions across social media. After SkyB grant interview with Unclenasco, he raise several allegations against Lucky Udu wey many fans and supporters dey ask questions about. As the matter dey hot, I decide to drop my own take on the issue.
Dear Lucky Udu,
I don watch your response to the interview wey @skyBoficial grant Unclenasco. I no dey here to accuse you of any wrongdoing, and I no dey here to defend SkyB or talk say him dey lie against you. I just wan share my opinion as I see the matter.
The truth be say, the fact wey almost everybody you don try help dey always come back accuse you of one thing or the other show say something you never dey get right.
To just come online dey shed tears and present yourself as victim wey the world dey against, without addressing the allegations wey SkyB raise, dey make some of us see you as manipulator wey wan use emotional blackmail to divert attention and gather public sympathy.
What I expect from you na simple: address the allegations one after the other and bring evidence to clear yourself. For example:
1. You really seize and sell the three social media accounts wey you open for am?
2. You carry your sister make she manage am?
3. Your sister dey into artist management at all?
4. She get record label company or dey work for any?
5. You use your NGO account to collect donations on his behalf?
6. How much people donate into that NGO account?
7. You don remit the money give am?
These na the things you suppose clarify.
To Unclenasco: abeg try reach out to the person wey SkyB claim say him buy the accounts from Lucky Udu sister, hear him side too. Also, tell SkyB to bring one or two people wey donate into the foundation account make them show payment evidence. That way the matter no go just be accusations flying around.
Going forward, I go advise Lucky Udu:
No use your NGO account again raise money for anybody wey you interview.
Put the person account details and number make people reach am directly.
If you get reason to doubt say the person no go use the money well, then no need to ask for donations at all – because you no fit help person wey no ready to help himself.
Na small thing dey stain yansh.
I don talk my own finish 🚶🚶🚶
.
#LuckyUdu #SkyB #Unclenasco #EntertainmentNews #TrendingNaija
0 Comments